नेपाली लाेक दाेहाेरी गीत संगीत जगतमा लाेकप्रिय संगीतकार गायका रुपमा स्थापित परिचय बनाउन सफल लोकप्रिय गायक एवं सर्जक बसन्त थापाको ‘दरम खोला’ नामक अत्यन्तै माैलिक गीत सार्वजनिक भएकाे छ । बाग्लुङ जिल्लामा प्रचलित ठाडाे भाकाकाे शैलीमा सर्जक थापाले संगीत सृजना गरेका हुन् भने भाका सुहाउँदाे शब्द गीतकार प्रल्हाद सुवेदीले रचना गरेर गीतलाई थप माैलिकता र जीवन दिएका छन् । गीतमा गायक बसन्त थापालाई स्वरमा सदाबहार लोकप्रिय गायिका देवी घर्ती मगरले साथ दिएकी छिन् ।
एचबिएन किस्मतकाे संगीत संयाेजन र ध्वनी सम्पादनमा रहेकाे यस गीतकाे रेकर्ड वान डिबी स्टुडियाेमा गरिएकाे हाे । गीतमा बसन्त थापा सरिता धनकुटा र कृष्णमान श्रेष्ठको माैलिक अभिनय र नृत्य रहेको छ ।
सार्वजनिक भिडियोको निर्देशन/कोरियोग्राफी होम गुरुङ छायांकन राम केसी र सम्पादन बिकाश ज्ञवालीको रहेको छ। भिडियो बसन्त थापाको अफिसियल युटुब च्यानल मार्फत सार्वजनिक गरिएको छ।
लाेपाेन्मुख अवस्थामा रहेका विशेषगरि पश्चिम नेपालमा प्रचलित यी ठाडो भाकाका गीत निकै लोकप्रिय छन् । लोक साहित्यअन्तर्गतको महत्वपूर्ण विधाका रूपमा स्थापित भएका यी माैलिक र सांस्कृति रुप बाेकेका ठाडाे भाकाका गीतहरु पश्चिमेलीहरुकाे महत्वपूर्ण संस्कृति पहिचानकाे रुपमा दर्ज भएकाे छ ।
लाेक लय साधारण शब्द संगीत र फरक गायन शैलीले गर्दा यी माैलिक ठाडाे भाकाहरुले जाे काेहीकाे मन सजिलै तान्न सक्छ । विशेष पश्चिम नेपालकाे ग्रामिण भेगका स्थानीवासिहरुले थकित मन मस्तिष्कलाई हलुङ्गो बनाउ थकाई मेटाउने माध्यमका रूपमा प्रयाेग गरेकाे पाईन्छ । चाय त्याे चाैतारामा बसेर हाेस्, चाय त्याे कुनै मेलापात, पर्व गाईवस्तु चराउँदा मनोरञ्जनका लागि गाइने भाकाका रुपमा ठाडाे भाका जनजीवनमा निकै लाेकप्रिय छ ।
हराउँन लागेका यस्ता माैलिक संस्कृति र समाजका गीतलाई आजका पुस्ताले अनुसरण गरेर प्रयाेग गरेपछि नै यिनी समाजका सृजनाका बाच्ने हाे । यसकारण आजकाे पुस्ताले यी यस्ता समाजका लाेक संस्कृतिलाई प्रयाेग गर्दै जर्गेना गरे यी र यस्ता संस्कृति कहिल्यै मर्ने छैन ।
