असार २६, प्यूठान बिगत दुई दशक देखि नेपाली सुगम संगीत मार्फत लोकप्रियता हासिल गरिरहेका चर्चित गायक स्वरूपराज आचार्यले पहिलोपटक लोकदोहोरी गीत “डाँडाघरे साइली “ गाएका छन् । चर्चित संगीतकार श्रीकृष्ण बम मल्लको संगीत, गीतकार कृष्ण केसीको शब्दमा र गायिका लक्ष्मी मल्ल संगको सहकार्यमा स्वरुपले पहिलो लोकदोहोरी गीत गाएका हुन । उनको गायन विधा नै सुगम संगीत भएकाले पनि उनको यस लोक दोहोरी गीतको गायनलाई विशेष र रोचक तरिकाले हेरिएको छ । गायक भएपछि सबैखाले गीत गाउन समक्षम हुनुपर्छ भन्ने बलियो उदाहरण स्वरुपले यो दोहोरी गीत मार्फत दिएका छन् ।
सुगम संगीतका हस्तिलाई दोहोरी गीत गाउन लगाउनु चुनाैती त थियोे नै तर मेरो अनुरोध स्वरुप दाइले स्वीकार गरिदिनु भयो र गाइपनि दिनुभयो फलस्वरूप राम्रो पनि भयो संगीतकार मल्लले फरकपोष्टलाई बताए ।
चर्चित एवम् व्यस्त संगीत संयोजक कृष्ण बि. क. भान्जाको संगीत संयोजन रहेकोे गीतको रेकर्डिङ प्रिज्म रेकर्डिङ स्टुडियोमा गरिएको हो । गीतको अडियो सम्पादन (मिक्सिङ मास्टरिङ्ग) बरिस्ठ ध्वनि सम्पादक श्याम स्वेत रसाइलीले गरेका छन् भने रेकर्डिङ कमल थापा र किरण बि.क ले गरेका हुन । गीतको अडियो र भिडियो दुबै पक्षलाई पृथक तरिकाले प्रस्तुत गरिएको छ । मौलिकता बोकेको यस गीतको स्वर, शब्द,संगीतले पक्कै पनि आम दर्शक स्रोताको मन जित्नेनै छ ।
गीतको भिडियोमा माैलिक दृश्यलाई बढी जोड दिइएको छ । भिडियोमा गाउँमा हुने यथार्थ र माैलिक कथालाई मुख्य विषयवस्तुका रुपमा जोडिएको छ । निर्देशक देबेन्द्र बब्लुले म्युजिक भिडियो माैलिकता र सरलताको व्यापक प्रयोग बाट निमार्ण भएको बताए । कोरियोग्राफर माैसम हिमालीले त्यहीँ अनुसारको नृत्य स्टेपहरु राखेका छन । भिडियोमा संगीतकार श्रीकृष्ण बम मल्ल पनि देखिएका छन उनी संगै नायिका शील्पा पोख्रेल , प्रकाश सपुत ,करिश्मा ढकालको मुख्य भूमिका रहेको छ । म्युजिक भिडियोको छयांकन नबराज उप्रेतीले गरेका छन् भने सम्पादन दिनसन शाहले गरेका हुन ।
“डाँडाघरे साइली “ गीतको भिडियो आफ्नो मन युटुब च्यानल बाट बजारमा आएको छ । गीतले छोटो समयमै आम दर्शक स्रोताको मन जितेको छ । गीतले थप सफलता प्राप्त गरोस् हाम्रो तर्फबाट शुभकामना छ सबैलाई ।
भिडियोको हेर्नको लागी तलको लिंक क्लिक गर्नुहोस