News Portal

दोहोरी च्याम्पियन विजेताले अझै पुरस्कार नपाएको गुनासो

फरकपोस्ट संवाददाताफागुन ११ काठमाडौं
९२४ पटक
फागुन ११ काठमाडौं

इतिहासमै पहिलोपटक भएको लोक दोहोरी रियालिटी शो ‘दोहोरी च्याम्पियन’ पहिलो सिजनका विजेताले च्याम्पियन बनेको महिनाैं बितिसक्दा समेत पुरस्कार नपाएको गुनासो गरेका छन् । गत कात्तिकमासंचालन भएको ‘दोहोरी च्याम्पियन’ पहिलो सिजनको फाइनलमा गायक प्रकाश पराजुली र गायिका मीना बुढाथोकीले उपाधि जितेका थिए ।

उपाधिसहित उनीहरुले जितेको पुरस्कार २० लाख रुपैयाँ हो । तर विजेताले एक रुपैयाँ पनि नपाएको गायिका मीना बुढाथोकीले गुनासो गरेकी छन् । पुरस्कार रकमको पहिलो किस्ता नै नपाएको उनले बताइन् ।

‘च्याम्पियन भएको दिन खाली चेक पाएका थियौं । त्यस्तै विजेताले पाउनुपर्ने नाट्यश्वेरी शिल्ड पायौं । त्यो बाहेक केही पाएका छैनौं,’ उनले भनिन्, ‘पुरस्कार रकमको पहिलो किस्ता दिनुपर्ने त उहिल्यै हो । तर एक हप्तापछि, दुई-चार दिनपछि भन्दाभन्दै ढिला भयो ।’

लामो समयसम्म पुरस्कार रकम नपाएको कारणले मीनाले फेसबुकमा ‘हेल्लो दोहोरी च्याम्पियन’ भन्दै स्टाटस लेखेकी छिन ।

प्रतिकृया दिनुहोस्