फरकपोस्ट संवाददाताभदौ २३ काठमाडौं
भदौ २३ काठमाडौं लोकप्रिय सारंगीबादक एवम् गायक हेमन्त कान्छा रसाइलीको बेलायतमा एकल सारंगी साँझ हुने भएको छ । चार महिनादेखि सांगीतिक कार्यक्रमको सिलसिलामा बेलायतमै रहेका रसाइलीको लण्डनको अल्डरसटस्थित एम्पाएर हलमा शनिबार सारंगी साँझ हुने भएको हो ।
मन ट्राभलको आयोजनामा हुन लागेको सारंगी साँझमा उनले आफूले सारङ्गी बजाएका चर्चित गीत सारंगीमार्फत सुनाउनेछन् ।
रसाइलीले हालसम्म १२ हजार बढी गीतमा सारंगीको धुन भरिसकेका छन् । उनी आफैं गायक समेत हुन् । कार्यक्रममा रसाइलीलाई गायिका विमला श्रीष र गीता पाइजा मगरले साथ दिनेछन् ।
म्याग्दीको मालिका गाउँपालिका-४ चिउरीबोट मठ्ठडाँडामा जन्मिएका रसाइलीले सारंगीको संरक्षणको उद्देश्यले कार्यक्रम गर्न लागिएको बताए ।