गायिका उर्मिला लाम्गादेको कर्णप्रिय आवाजमा सजिएको आशिषमय भजन गीत ‘मेरो बुवाको घर’को फिमेल भर्सन सार्वजनिक भएको छ । दर्शक स्रोतामाझ लोकप्रिय भैसकेको यस गीतका ओर्जिनल गायक, संगीतकार तथा गीतकार पास्टर रोहित थापा हुन् ।

भिडियोमा स्वयम् गायिका लाम्गादे र उनको परिवार देखिएका छन् । अमेरिकामा छायाँकन गरिएको यस भिडियोलाई विक्की पुलामीको छायाँकन र निर्देशनमा तयार पारिएको हो । भिडियोलाई बिष्णु खड्काले सम्पादन गरेका हुन् । भिडियो गायिका लाम्गादेको युट्युव च्यानल ‘उर्मिला लाम्गादे’ मार्फत सार्वजनिक गरिएको छ ।

अमेरिकाको न्युयोर्कमा बसोबास गर्दै आएकी गायिका लाम्गादेको यसअघि पनि थुप्रै गीतहरू सार्वजनिक भैसकेका छन् । गायन संगै अभिनयमा समेत रुचि राख्ने लाम्गादेले ‘दलन’ नामक टेलिचलचित्र र चेतनामुलक विज्ञापनहरुमा समेत अभिनय गरिसकेकी छिन् ।