हैदराबाद, भारत शनिवार बेलुका तेलांगानास्थित हैदराबादमा आयोजित ७२ औं मिस वर्ल्ड फिनालेमा थाइल्याण्डकी ओपल सुचाता चुआंगश्रीले उपाधि जितेकी छन्।
विजेता ओपललाई अघिल्लो संस्करणकी मिस वर्ल्ड क्रिस्टिना पिस्ज्कोभाले ताज पहिराइन्। प्रतियोगितामा इथियोपियाकी प्रतियोगी उपविजेता घोषित भइन् भने पोल्याण्ड र मार्टिनिकका प्रतिनिधिहरू क्रमशः तेस्रो र चौथो उपविजेता बनेका छन्।
अन्तिम चारमा अमेरिका तथा क्यारेबियनबाट मार्टिनिक, अफ्रिकाबाट इथियोपिया, युरोपबाट पोल्याण्ड र एसियाबाट थाइल्याण्डबीच कडा प्रतिस्पर्धा भएको थियो।
थाइल्याण्डकी ओपल सुचाता चुआंगश्रीले आफ्नो सुन्दरता, प्रतिभा र आत्मविश्वासले विश्वभरका दर्शकहरूको मन जित्न सफल भइन् र मिस वर्ल्डको प्रतिष्ठित उपाधि आफ्नो नाममा राखिन्।
यो प्रतियोगिताले विश्वका विभिन्न महादेशका प्रतिनिधिहरूलाई एकै ठाउँमा ल्याएर सौन्दर्य, प्रतिभा र सांस्कृतिक विविधताको उत्सव मनाएको छ।