लोकप्रिय सर्जक प्रल्हाद सुवेदीको शब्द बसन्त थापाको स्वर संगीतमा नयाँ गीत “ओखल ढिकीमा” सार्वजनिक भएको छ।
लोक दोहोरीका दुई हस्तिको यो फरक सहकार्य दर्शक श्रोताले रुचाएका छन । गीतकार सुवेदीले प्रेमिल शब्दको संयोजन मार्फत गीतलाई बलियो रुपमा प्रस्तुत गरेका छन ।
त्यस्तै संगीतकार एवं गायक थापाले पनि शब्दले मागेको संगीत भरेर आफैंले फरक तरिकाले गाएका छन् । उनको यो फरकपना दर्शक श्रोताले रुचाइएदिएका छन ।
गीतमा बसन्त थापा संगै चर्चित गायिका एलिना चौहानले आवाज दिएकी छिन । श्याश्वेत रसाइलीले संगीत संयोजन तथा मिक्सिङ मास्टरिङ गरेको यस गीतको रेकर्डिङ प्रिज्म डिजिटल रेकर्डिङ स्टुडियोमा गरिएको हो ।
म्युजिक भिडियोमा पल शाह, बर्षा राउत र दुर्गेश थापाको नृत्य रहेको छ । शिव बिकले निर्देशन गरेको म्युजिक भिडियोको छायांकन अर्जुन तिवारीले गरेका छन भने सम्पादन मिलन विश्वकर्माले गरेका हुन । गीतलाई सफलताको शुभकामना छ ।
