फरकपोस्ट संवाददातापुस २० काठमाडौं
पुस २० काठमाडौं रोल्पा क्षेत्र नम्बर–१ ‘ख’बाट निर्वाचित स्वतन्त्र सांसद दीपेन्द्रकुमार पुनमगर ‘सिजल’ नेकपा (माओवादी केन्द्र)मा फर्किएका छन् ।
बुधबार बालुवाटार पुगेर उनले प्रधानमन्त्री समेत रहेका पार्टी अध्यक्ष पुष्पकमल दाहाल ‘प्रचण्ड’बाट खादा लगाएर पार्टीमा फर्किएर अब पार्टीमा पुनः सक्रिय हुने बताएका हुन् ।
लुम्बिनी प्रदेशको स्वतन्त्र सांसद रहेका दीपेन्द्रले माओवादी केन्द्रमै रहेर काम गर्ने व्यहोराको पत्र पार्टी केन्द्रीय कार्यालय पेरिसडाँडामा बुझाएका छन् ।
गएको मंसिर ४ गते भएको निर्वाचनमा उनी भारी मतान्तरले प्रदेशसभा सदस्यमा विजयी भएका थिए । त्यति बेला उनी माओवादी केन्द्रको पोलिटब्युरो सदस्य र रोल्पा जिल्ला इन्चार्जबाट राजीनामा दिएर स्वतन्त्र उमेदवार बनेका थिए ।
