फरकपोस्ट संवाददातामाघ ११ काठमाडौँ
माघ ११ काठमाडौँमंगलबार दिउँसो बानेश्वर संघीय संसद् भवन अगाडि आफैंलाई आगो लगाएर आत्महत्या प्रयास गरेका प्रेमप्रसाद आचार्यको मृत्यु भएको छ ।
आज बिहान कीर्तिपुरस्थित बर्न अस्पतालमा उपचारका क्रममा आचार्यको मृत्यु भएको हो ।
३७ वर्षीय आचार्य इलामको सूर्योदय नगरपालिका निवासी हुन् । मंगलबार संसद भवन अगाडि शरीरमा पेट्रोल हालेर आत्मदाह प्रयास गरेका थिए ।
आचार्यलाई प्रहरीले उद्धार गरेर अस्पताल पुर्याएको थियो । उनको शरीरको ८० प्रतिशतभन्दा धेरै भाग जलेको थियो ।