News Portal

माओवादी केन्द्र एकाध व्यक्तिकाे क्लब हैन : लेखनाथ न्याैपाने

फरकपोस्ट संवाददाताफागुन १५ काठमाण्डाैं
९८० पटक
फागुन १५ काठमाण्डाैं

नेकपा (माओवादी केन्द्र) का केन्द्रीय सदस्य लेखनाथ न्याैपाने नेकपा (माओवादी केन्द्र) एकाध व्यक्तिकाे निजी क्लब नभएकाे बताएका छन । पार्टीको केन्द्रीय कार्यालयको विस्तारित बैठकले एमसीसीलाई व्याख्यात्मक टिप्पणीसहित पारित गर्ने निर्णय गरेसँगै न्यौपानेले यस्तो बताएका छन् । ‘हालको (माओवादी केन्द्र) मा केन्द्रीय समितिको निर्णय बाहेक अरुले गर्ने निर्णय अधिकारिक हुँदैन । आज बिहान बसेको भनिएको बैठकको कुनै वैधानिकता छैन’, उनले सामाजिक सञ्जालमार्फत यस्ताे भनेका छन । ‘नेकपा (माओवादी केन्द्र) को केन्द्रीय समितिको बैठक पटक पटक स्थगित गरिएको छ । महाधिवेशनपछि पार्टीको केन्द्रीय समिति र अध्यक्ष मात्र बनेको अवस्था छ । एकातिर केन्द्रीय समितिको बैठक बसाल्दै नबसाल्ने अर्कोतिर एमसीसी जस्तो मुलुकलाई दीर्घकालीन असर पार्ने गम्भीर बिषयमा अध्यक्षले एकल निर्णय गर्दै पार्टीलाई कांग्रेस, एमाले जस्तै राष्ट्रघाती पार्टीको कित्तामा उभ्याउने ?’,  भन्दै न्यौपानेले प्रश्न गरेका छन, न्याैपानेले एमसीसी कुनैपनि हालतमा पास गर्न नहुने  मत पार्टीमा राख्नदै आएका छन ।

प्रतिकृया दिनुहोस्