असार २४, काठमाडौं नेकपा (माओवादी केन्द्र) का स्थायी समिति सदस्य लिलामणि पोखरेलले एमाले प्रवेश गरेका रामबहादुर थापा समूहले माओवादी अवैधानिक भन्दै निर्वाचन आयोगमा दिएको उजुरीका विषयमा कडा प्रतिक्रिया जनाएका छन् ।
पोखरेलले माओवादी पार्टीबाटै चुनाव जितेर मन्त्री हुँदासम्म वैधानिक हुने तर, एमाले प्रवेश गरेपछि अवैधानिक भन्न नमिल्ने बताए । जनयुद्ध देखि नै माओवादी पार्टीमा काम गर्दै आएका र अवसर समेत लिएका रामबहादुर थापासहित टोपबहादुर रायमाझी, लेखराज भट्ट, प्रभु साह, गौरीशंकर थारु लगायत नेताहरूले प्रधानमन्त्री केपी शर्मा ओलीले गत पुस ५ गते प्रतिनिधि सभा विघटन गरेपछि केपी वलीको पक्षमा उभिदै मन्त्री भएका थिए ।
बुधबार दिउँसो आयोगको कार्यालय पुगेेर लीलबहादुर थापा सहितका नेताहरूले माओवादी केन्द्र खारेजीको माग गर्दै निर्वाचन आयोगमा निवेदन बुझाएका छन ।
एमाले प्रवेश गरेपछि थापासहितका रायमाझी, भट्ट, साह र थारु माओवादी केन्द्रबाट निष्कासनमा परेका थिए ।