News Portal

दुवै मृगौला फेल हुँदा जीवन मरणको दोसाँधमा चिपुरी गाइन : सहयोगीका लागि अपिल

आर्थिक अवस्था अति कमजोर हुँदा उपचारमा समस्या

फरकपोस्ट संवाददाताअसोज २९ प्यूठान
६४७ पटक
असोज २९ प्यूठान

दुवै मृगौला फेल भएर पीडित बनेका चिपुरी गाइन भावुक हुँदै भन्छन्, मलाई बचाइदिनुस् ! प्यूठान जिल्ला स्वर्गद्वारी नगरपालिका वडा नम्बर ३ कि चिपुरी गाईन यतिबेला जीवन मरणकाे दोसाँधमा  बाँचिरहेकी  छन् ।

उपचारपछि निकाे हुने अवस्था रहेतापनि आर्थिक अवस्था अत्यन्तै कमजाेर भएकाले सुकुम्बासी चिपुरी अहिलेसम्म सामान्य उपचारकाे भरमा कष्टकर दिन बिताइरहेकी छिन् । अलिअलि भएकाे पैसा पनि सामान्य उपचारमै सकिएपछि उनले आफ्नाे जीवन रक्षाकाे निम्ति सबै संग सहयोग गरिदिन अपिल गरेकी हुन् ।

दुबै मृगाैला गुमेर आर्थिक अभावका कारण छट्पटाइरहेकी चिपुरीलाई नयाँ जीवन पाउने आशा पनि त्यत्तिकै छ ।

५५ वर्षीय चिपुरीका श्रीमान नभएको र साथमा नाबालक छोरा भएकाले उनी बेसहारा बनेकी छिन् । मृगौला प्रत्यारोपण गर्न ५ देखि ६ लाख रुपैयाँ लाग्ने चिकित्सकले बताएका छन् । मृगौला दिने आफन्त भएपनि प्रत्यारोपणका निम्ति लाग्ने खर्च नहुदा उनको उपचार रोकिएको छ ।

चिकित्सकले दुबै मृगौला प्रत्यारोपण गरेपछि ठिक हुने सल्लाह दिएपछि अहिले उनले सबै सँग आर्थिक सहयोगको याचना गरिरहेका छन् । केही भएको पैसा पनि उपचारको क्रममा सकिएपछि अहिले आर्थिक अभावले उनको पिडा आजभन्दा भाेली झन् झन् बल्झिरहेकाे छ  ।

दाङकाे लमहीको रातो डाँडामा रहेको गाैतम बुद्ध डायलिसिस हस्पिटलमा नियमित डायलिसिस तथा उपचार जेनतेन गरिरहेकी चिपुरीकाे आर्थिक अवस्था निकै कमजोर भएकाले थप उपचारका लागि आर्थिक समस्या परेकाे हो । सुकुम्बासी  समेत रहेकी चिपुरी  दुबै मृगौला फेल भएपछि अहिले उनी अस्पतालको शैयामा छट्पट्टी रहेकी छन् ।

परिवारले विभिन्न राजनितीक दल, सामाजिक संघ सस्था, बुद्धिजीवी, समाजसेवीसँग पनि सहयोगको अपिल गरेका छन् ।

सहयोग गर्न चाहानुहुने सहयोगी महानुभावले निज चिपुरी गाइनको नाममा रहेको नेपाल बैंकको निम्न खाता नम्बरमा गर्न सक्नुहुनेछ । सेवा नै धर्म हो !
नाम : चिपुरी गायन
खाता नेपाल बैंक : १८३१०२०७५६७०४०००००१
Name : chipuri gayan
a/c no. 1831020756704000001 Nepal bank

चिपुरीको उपचार सहजताका साथै सहयोगका निम्ति स्वर्गद्वारी नगरपालिकाले गरेको अपिल ।

प्रतिकृया दिनुहोस्