News Portal

ठेकेदारको लापरबाहीले ६ वर्ष बितिसक्दा पनि बनेन पुल

३ वर्षभित्रमा निर्माण कार्य सम्पन्न गर्नेगरी सहमति भएको थियो

झइन्द्र भण्डारी कार्तिक २९ प्यूठान
८१५ पटक
कार्तिक २९ प्यूठान

प्यूठान जिल्ला स्वर्गद्वारी नगरपालिका माण्डबी नदीमा पक्की पुल बन्ने भएपछि खुसीले निकै उत्साहित भएका थिए । तर ६ वर्ष बितिसक्दा पनि खुसीले पूर्णता पाउन सकेको छैन ।
आर्थिक वर्ष २०७३/०७४ सालमा स्वर्गद्वारी नगरपालिका वडा नं. ३ जलुके र वडा नं. ७ नल्सी जोड्ने पक्की पुल बनाउने कार्य ६ वर्ष अघिदेखि प्रक्रियागत रूपमा सुरु भएको थियो ।
७३/७४ मा निर्माण कार्य थालनी भएको पक्की पुलले आर्थिक वर्ष २०७९/०८० को मध्यतिर आउदा पनि पूर्णता पाउन सकिरहेको छैन ।
३ वर्षभित्रमा निर्माण कार्य सम्पन्न गर्ने गरी पुल निर्माणको जिम्मा लिएको मृत सञ्जिवनी लोहनी एण्ड ब्रदर्श नामक निर्माण कम्पनीको लापरबाही र ढिलासुस्तीले पुल अलपत्र स्थानीयले आरोप लगाएका छन् ।

लोहोनी भनेर चिनिने चितवनको निर्माण कम्पनीले निर्माण कार्य थालनी गरेको ६ बितिसक्दा समेत पनि उक्त पुलको निर्माण सम्पन्न गर्न सकिरहेको छैन । वर्षातको समयावधिमा निर्माण कार्यमा समस्या आउने हुनाले त्यो समयमा काम रोक्ने र हिउँद लागेपछि पनि काम सञ्चालन गर्ने सहमति भएको थियो । पुल निर्माणमा, निमार्ण कम्पनीले सक्रियता नदेखाउदा अलपत्र परेको स्वर्गद्वारी नगरपालिकाका नगर प्रमुख टेक प्रसाद भण्डारीले बताए ।

हिउँद सक्किन लाग्दासम्म निर्माण कार्य सुचारु नगर्ने र हिउँदको अन्त्यतिर काम गर्न थाल्ने प्रवृत्तिले यस्तो समस्या आउने गरेको प्रमुख भण्डारीले बताए ।

पुलको योजना बनाई यस ठाउँमा पुल निर्माणमा विशेष भुमिका निर्वाह गर्नु भएका नगरप्रमुख भण्डारीले आफूले यो बारेमा विभिन्न माध्यमबाट पटकपटक निर्माण कम्पनी , ठेकेदार समक्ष कुरा गरी ध्यानाकर्षण गराउदा पनि मौन रहेको बताएका छन् ।

प्रत्येक वर्ष हिउँदको पनि अन्त्यतिर मात्र कामको प्रक्रिया अगाडि बढाउने र वर्षा ऋतुसङ्गै काम बन्द गर्ने परीपाटी नै समस्याको जरो बनेको स्थानीय टिकाराम भण्डारीले बताउनु भयो ।
६ वर्षको अवधीमा पुलको आधा भाग भने निर्माण भइसकेको छ तर पुलको अर्को आधाभागको काम सम्पन्न गर्न आर्थिक वर्ष २०७८/०७९ को अन्त्यतिर पनि निर्माण कम्पनीले थालनी गरेको थियो ।

सम्पूर्ण व्यवस्थापन गरी अन्तिम कार्य गर्न थाल्दा वर्षात सुरू भयो र फेरि माडीखोलामा बाढी आएर क्षती हुन सक्ने कारण र सडक डिभिजनको पत्र आएको भन्दै तयार पारीएको सामाग्री पनि खोलेर निर्माण कम्पनीले काम बन्द गर्यो । त्यस पश्चात वर्षातको समयसङ्गै नदीमा बाढी आयो र पुल ढलानको लागि तयार पारीएको सामाग्रीमा क्षती पुग्यो । बाढीले क्षति पुराएको दुई महिना बितिसक्दा पनि ठेकेदार बेखबर झै छन भने निर्माणाधीन पुल अलपत्र नै छ । 

विभिन्न बाहानामा निर्माण कार्य सम्पन्न गर्ने समयावधि थप गर्ने ठेकेदारको चरम लापरबाहीमा सम्बन्धित निकायले समयावधि थप गरेर लाचारीपन देखाउन सम्म पछि हटेन । तात्कालिक सरकारदेखि अहिलेको सरकारको लय एउटै भएकाले पनि समस्या झन बल्झिएको छ ।

निर्माण कार्य थालनी गरी काम सम्पन्न गर्न तर्फ लाग्नु त एकादेशको कथा भयो ढलेका सामाग्री पनि नउठाएर रमिता देखाई ठेकेदार बेपत्ता भएको टिकारामले बताएका छन । पुल बन्ने कुराले पलाएको नागरिकको खुसी ठेकेदारको लापरबाही र अनुगमन नगर्ने म्याद थपिदिने सम्बन्धित निकायको लाचारीपनले अझै पुलको निर्माण सम्पन्न हुन नसकेको व्यापक जन गुनासो रहेको छ ।

प्रतिकृया दिनुहोस्