पछिल्लो समय नेपाली लाेकदाेहाेरी क्षेत्रमा एकपछि अर्काे उत्कृष्ट्र सृजना पस्किँदै आएका लाेकप्रिय गायक भागिरथ चलाउनेले फेरि अर्को नयाँ गीत ‘जलेजलोस् हिउँचुली सुकोस फेवाताल’ सार्वजनिक गरेका छन् । भागिरथकै शब्द, संगीत तथा स्वर रहेको गीतमा गायनमा उनलाई गायिका शान्तिश्री परियारले साथ दिएकी छन् । गीतमा एरेन्ज कृष्ण विक ‘भान्जा’ ले गरेका छन । श्यामश्वेत रसाइलीकाे मिक्सिङ्ग मास्टरिङ्ग रहेकाे यस गीतकाे रेकर्ड प्रिज्म स्टुडियाेमा गरिएकाे हाे ।
म्यूजिक भिडियोमा गायक भागिरथ र मोडेल गीता ढुंगानाको रोमान्स सहितकाे अभिनय देख्न सकिन्छ । प्रकाश भट्टको निर्देशन, नवराज उप्रेतीको छायांकन र टेकेन्द्र शाहको सम्पादनमा म्युजिक भिडियाे तयार पारिएकाे छ । गीतले मायाप्रेमकाे विषयलाई बलियाे रुपमा बाेकाे छ भने भिडियाेमा स्कुले जीवनकाे प्रेम देखाउन खोजिएको छ ।
भागिरथका यस अगाडि ‘थोपडाले धोका दियो बरिलै’, ‘फलाम पिटे तरवार’, ‘झमझम झुम्कना’, ‘रात हेर्दै टोलाउँछु’ लगायत दर्जनाैं गीतहरु चर्चित एवम् लाेकप्रिय रहेका छन् ।
