News Portal

काफल बेचेर छोराछोरीको पढाइ खर्च जोहो गर्दै तिलसरी

गन बहादुर पेस्तोल बैशाख १७ प्यूठान
२७६ पटक
बैशाख १७ प्यूठान

नेपालकै सात धाम मध्येको एक अन्तर्गत पर्ने प्रसिद्ध धार्मिक स्थल स्वर्गद्वारी मन्दिरमा बिहानीको झिसमिसे संगै काफलको डालो बोकेर स्वर्गद्वारी प्रवेशद्वार पुग्छिन् स्वर्गद्वारी नगरपालिका वडा नं. २ नोस प्यूठानकी ५७ वर्षीया  तिलसरी पुन ।

दिनभर मन्दिरमा दर्शन गर्न आउने तिर्थालु भक्तजनहरुलाई काफल बेच्ने यस समय तिलसरीको दैनिकी बनेको छ । स्वर्गद्वारी प्रवेशद्वार आसपासमा काफलको डालो संगै तिलसरी जस्तै अरु मान्छे पनि भेटिन्छन् काफल बच्नेहरु ।

बिहानदेखि बेलुकासम्म काफल बिक्री गरेर कुनै दिन २ हजार, कुनै दिन ६ देखि ७ सय कमाउने तिलसरी बताउछिन् ।
कमाइ कहिले कम कहिले ठिक्क भएपनि आफू सन्तुष्ट रहेको उनलेे बताए ।

जंगलमा गएर काफल टिपेर घरबाट करिब २ घन्टा लाग्ने बाटो पैडल हिडेर उनी काफल बेच्न  मन्दिर परिसरमा पुग्ने गर्छिन् ।  एक सय रुपैयाँमा ६ गिलासका दरले उनले  काफल बेच्छिन् ।

घरमा श्रीमानकाे मेहनत गर्नसक्ने अवस्था नभएकाले दैनिकी चलाउन र  सन्तान लाई पढाउनको लागि पनि यो दुख  गर्नुपरेकाे छ उनले भावुक हुँदै भनिन् । हाम्रो त जीवन अध्यारोमै गयो तर छोराछोरीको भविष्य नबिग्रियाेस भनेर यी दु:ख कष्टहरु झेलिरहेकी छु उनले भनिन् । आफ्नो सन्तानको सुनौलो भविष्यका निम्ति अभिवाकले जस्तोसुकै  जोखिम र चुनौतीको पनि सजिलै सामना गर्न सक्छन भन्ने ज्वलन्त उदाहरण बनेकी छिन् तिलसरी ।

तिलसरी पुनले काफल मात्रै बेच्दैनन उनले प्यूठानमा उत्पादित अन्य  कृषिजन्य सामाग्री एवं वस्तुहरुकाे प्रचारप्रसार पनि स्वर्गद्वारी घुम्न आएका पर्यटक हरुमाझ गर्ने गर्छिन ।

प्रतिकृया दिनुहोस्