News Portal

दाङ बस दुर्घटना : एकको मृत्यु, २८ घाइते, १२ को अवस्था गम्भीर

फरकपोस्ट संवाददाताजेठ २७ काठमाण्डाैं
३२३ पटक
जेठ २७ काठमाण्डाैं

दाङको देउखुरीमा शुक्रबार बिहान दुई बस एक आपसमा ठोक्किँदा एक जनाको घटनास्थमै मृत्यु भएको छ । दुर्घटनामा परि २८ जना घाइते भएका छन् । बिहान ६ बजेर २० मिनेटकाे सयममा लमहीबाट भालुवाङतर्फ जाँदै गरेको लु २ ख ७८५ नम्बरको बस र वीरगन्जबाट दाङको तुलसीपुर आउँदै गरेको ना ५ ख ४८९८ नम्बरको बस लमही नगरपालिका-३ फल्कापुरमा एक आपसमा ठोक्किएका थिए ।

लमहीबाट भालुवाङ तर्फ जाँदै गरेको बसको गती तिव्र भएका कारण दुर्घटना भएको जिल्ला प्रहरी कार्यालय दाङका प्रहरी नायव उपरिक्षक राजन कुमार गौतमले जानकारी दिएका छन् । मृत्यु हुनेमा रोल्पा रुन्टीगढी ७ निवासी ४२ बर्षीया शोभा परियार रहेको गौतमले बताए । घाइतेहरुको विवरण संकलन भई रहेकाले थप विवरण क्रमश: आउने जानकारी दिए ।

घाईते मध्ये गम्भीर अवस्था रहेका १२ जनाको उपचारको लागि अन्यत्र रिफर गरिएको छ भने बाँकीको लमहीमा उपचार भई रहेको छ । गम्भीर अवस्था रहेका मध्ये ३ जनालाई घोराही, २ जनालाई नेपालगञ्ज र ७ जनालाई भैरहवा रेफर गरिएको छ ।

प्रतिकृया दिनुहोस्