नेपाली समुदायमा व्याप्त रहेको कुरितीका विरुद्धमा गायक, सर्जक बसन्त विश्वकर्माले सशक्त सन्देश सहितको ‘झुमा’ नामक बोलको गीत सार्वजनिक गरेका छन् ।
विश्वकर्माले गीतकाे शब्द संगीत र भिडियाे मार्फत सुदुर पश्चिम क्षेत्रको ‘काटाबच्छे’ सस्कृतिको चित्रण गरेका छन् ।
बाध्यतावश विहे गर्नुपरेको पिडा र परस्त्रीसँगको सम्वन्धका कारण जीवनमा आईपर्ने विविध समस्याका विषय यस गीतले उठान गरेकाे छ ।
गीतमा बसन्त विश्वकर्मा र अहिलेकी चर्चित गायिका शान्ति श्री परियारले स्वर दिएका छन् । गीतकाे शब्द संगीत पनि विश्वकर्मा आफैंले सृजना गरेका हुन् ।
कृष्ण बिक ‘भान्जा’ काे संगीत संयाेजन श्यामश्वेत रसाइलीकाे मिक्सिङ्ग मास्टरिङ्ग रहेकाे यस गीतकाे रेकर्डिङ्ग प्रिज्म स्टुडियाेमा गरिएकाे हाे भने रेकर्ड गाेविन्द अनेक र कमल थापाले गरेका हुन् ।
गीतकाे भिडियोमा विश्वकर्मासँगै सनिशा भट्टराई र टिकटकर जुना विश्वकर्मा सहितकाे टिमकाे अभियनय देख्न सकिन्छ ।
विश्वकर्माका यसअघिका गीतहरु कुखुराकाे भाले, भन के गरौँ, रेलीमई, भागुम मायालु, साईली लगायतका गीत दर्शक श्राेताकाे माझ सर्वाधिक प्रिय रहेका छन् ।
गीत सार्वजनिक भएसंगै दर्शक श्राेताकाे सकारात्मक प्रतिक्रिया पाइरहेकाे छ । हामीले याे समाचार तयार पार्दसम्म गीतले सार्वजनिक भएकाे एक दिनमा करिव एक लाख पटक हेरिसकिएकाे छ ।
गीतले दर्शक श्राेताकाे सकारात्म प्रतिक्रिया पाइरहदाँ गीत गायक, सर्जक एवं माेडल बसन्तले आफू निकै उत्साहित रहेकाे हामीलाई बताए ।
विश्वकर्माले आफ्नै युट्युव च्यालन मार्फत सोमबार ‘झुमा’ सार्वजनिक गरेका हुन् ।
