News Portal

नेकपा सचिवालय सदस्य सुशर्दनलाई रिहा गर्न सर्वाेच्चकाे आदेश

जन्मदेव जैसीअसार ३१ काठमाडौं
४३९ पटक
असार ३१ काठमाडौं

नेपाल कम्युनिस्ट पार्टीका सचिवालय सदस्य हेमन्त प्रकाश ओली ‘सुदर्शन’लाई रिहा गर्न सर्वाेच्च अदालतले अादेश दिएकाे छ । न्यायाधीशद्वय प्रकाशकुमार ढुंगाना र मनाेजकुमार शर्माकाे इजलासले आदेश दिएकाे हाे । नेता सुदर्शनकी जीवन साथी अम्बिका चन्द र नेता भरत बमले सर्वोच्च अदालतमा दायर गरेकोे रिटमाथि आज सुनुवाई गर्दै सर्वाेच्चले साधारण तारेखमा छाड्न  आदेश दिएकाे हाे ।सर्वाेच्चकाे आदेशमा नेता सुदर्शन रिहा भएका छन् । भने नेता भरत बमकाे भने थप कागजात झिकाउन आदेश भएकाे छ । काे पनि अन्य दर्जनाैं नेता-कार्यकर्ता देशभरका कारागारमा बन्दी जीवन विताइरहेका छन् ।
सरकार र नेपाल कम्युनिस्ट पार्टीबीच भएको तीन बुँदे सहमतिकाे ३ महिनावित्दा पनि कार्यान्वयन भएकाे छैन। कार्यान्वनमा नभएपछि सुदर्शनको रिहाईको लागि गत शुक्रबार सर्वोच्चमा रिट दायर गरिएको थियो ।सहमतिअनुसार सरकारले नेकपाका नेतामाथि लगाइएका मुद्धा फिर्ता लिने,  सरकार गैरजिम्मेवार बनेको छ । नेकपाका नेतामाथि लगाइएका मुद्धा फिर्ता र रिहा गर्ने सहमति गरेपनि सरकारले अहिलेसम्म कुनै प्रक्रिया अगाडि बढाएको छैन ।आफैले गरेको सहमति कार्यान्वयन गर्न गैरजिम्मेवार बनेपछि नेकपाका नेता कार्यकर्ता जेलमै छन् । सरकार सहमतिबाट पछि हटेपछि बन्दीका आफन्तहरुले कानुनी प्रक्रिया अघि बढाएका थिए ।
ललितपुरस्थित एनसेलको टावरमा ब.म बि स्फोट आरोपमा सफाई पाएका सुदर्शनलाई हातहतियार सम्बन्धी र रणविरलाई बम विस्फाेटकाे मुद्धा लगाइएको थियाे।मुटुका गम्भीर विरामी दुवै नेता सुदर्शनकाे गंगालालमा र रणविरकाे सुन्धारास्थित कारागार अस्पतालमा उपचार भईरहेकाे छ ।

प्रतिकृया दिनुहोस्