News Portal

अर्थमन्त्रीमा पुनः जनार्दन शर्मा, बेलुका सपथ हुदै

फरकपोस्ट संवाददातासाउन १५ काठमाडौं
४०९ पटक
साउन १५ काठमाडौं

विवादित बनेपछि राजिनामा दिएका जनार्दन अर्थमन्त्रीमा पुनः जनार्दन शर्मा नियुक्त हुने भएका छन् । माओवादी केन्द्रका अध्यक्ष पुष्पकमल दाहाल प्रचण्डले आज बिहान प्रधानमन्त्री शेरबहादुर देउवालाई भेटेर शर्मालाई नै अर्थमन्त्री नियुक्त गर्न सिफारिस गरेका छन् ।

उनलाई आजै शपथ ग्रहण गराउने तयारी गरिएको छ । माओवादी अध्यक्ष प्रचण्डका स्वकीय सचिव रमेश मल्लका अनुसार शर्माले आजै साँझ अर्थमन्त्रीको रुपमा शपथ ग्रहण गर्ने कार्यक्रम रहेछ छ । समय भने तय भइनसकेको मल्लले बताए ।

आर्थिक वर्ष २०७९\८० को बजेट निर्माणको क्रममा अनधिकृत व्यक्तिलाई करको दर हेरफेर गरेको आरोप लागेपछि उनले गत असार २२ गते राजीनामा दिएका थिए । तर यसबारे छानबिन गर्न बनेको संसदीय विशेष समितिले शुक्रबार बजेट निर्माणको क्रममा अर्थ मन्त्रालयमा अनधिकृत व्यक्ति प्रवेश गरेको नदेखिएको प्रतिवेदन बुझाउँदै शर्मालाई क्लिन चिट दिएको थियो । प्रधानमन्त्री शेरबहादुर देउवा पनि शर्मालाई नै फर्काउने पक्षमा थिए । शनिवारसम्म जाँदिन भनेका भनेका शर्मालाई प्रचण्डले मनाएको बुझिएको छ । माओवादी भित्र शर्मा र वर्षमान पुनबीच महासचिवका लागि ठूलो रस्साकस्सी छ र एकले अर्काेलाई कुनै ठाउँ थन्क्याउन पाए आफ्ना लागि सहज हुने विश्वासमा काम गरिरहेका छन ।

प्रतिकृया दिनुहोस्