चार भारतीय नागरिकबात प्रहरीले काठमाडौँको न्युरोडमा  २ करोड भन्दा बढी मूल्य बराबरको हिरा, चाँदी र सुनका गहना बरामद गरेको छ ।
अवैध तरिकाले कारोबार गरेको सूचनाको आधारमा गहना बरामद गरिएको जिल्ला प्रहरी परिसर काठमाडौँका एसपी अपिल बोहराले  बताए । उनका अनुसार सामानको मूल्य करिब २ करोड १ लाख हुन आउँछ । पक्राउ पर्नेमा सुर्यजित दास, समिम सेख, हविवुल सेख र तमल सान्द्रा छन् । उनीहरु चारैजना भारतीय नागरिक हुन् ।

जिल्ला प्रहरी परिसरबाट खटिएको टोलीले मङ्गलबार राति सो सामान बरामद गरेको हो । हिरा, सुन र चाँदीको अवैध कारोबारमा संलग्न चार जना पक्राउ परेका छन् । कारोबारीहरूले बिल, बिजक देखाउन नसकेको एसपी बोहराले बताए  ।