News Portal

गोधूलि भद्रकुमारी–ओली आदर्श आमा पुरस्कार -२०७९ ठेट गायिका पवित्रा रसाइलीलाई

फरकपोस्ट संवाददाताबैशाख ११ काठमाडौं
१२३७ पटक
बैशाख ११ काठमाडौं

गोधूलि साहित्य प्रतिष्ठानको १७ औं वार्षिकोत्सव कार्यक्रमको अवसरमा ठेट गीत गायिका बागलुङकी ७८ वर्षीय पवित्रा रसाइली सम्मानित भएकी छिन् । उनलाई गोधूलि भद्रकुमारी–ओली आदर्श आमा पुरस्कार २०७९ बाट नगद राशि सहित सम्मान गरिएकाे हो ।

कला साहित्य र संस्कृतीमा समर्पित गोधूली साहित्य प्रतिष्ठानले प्रज्ञाप्रतिष्ठान कमलादीमा एक विशेष समाहोरको आयोजना गर्दै पवित्रा रसाइली सहित कला, साहित्य र संस्कृतिमा योगदान पुर्‍याउने अन्य विभिन्न व्यक्तिहरुलाई अभिनन्दन, सम्मान तथा पुरस्कृत गरेको छ ।

७८ वर्षको वृद्ध उमेरमा पनि नेपाली ठेट कला, साहित्य र संस्कृतिको क्षेत्रमा महत्त्वपूर्ण योगदान पुर्‍याएको भन्दै उनलाई सम्मान गरिएको आयोजक गोधूली साहित्य प्रतिष्ठानले बताएको छ ।

पुरस्कृत र सम्मानित हुने व्यक्तिहरुलाई ललितपुर महानगर नगरपालिकाका नगरप्रमुख चिरीबाबु महर्जनले अभिनन्दन, सम्मान र पुरस्कार प्रदान गरेका थिए ।

गायिका पवित्रा रसाइली वरिष्ठ संगीतकार बिबि अनुरागी, गायिका स्वरुपा रसाइली र सर्वपरिचित ध्वनि सम्पादक श्याश्वेत रसाइलीका आमा हुन् । उनलेे ‘उहिले उहिले तीज’ नामका गीतको दुई भाग बजार ल्याई सकेका छन् । जुन गीतहरु जनमानसमा असाध्यै लोकप्रिय रहेका छन् भने युटुबमा लाखौं भ्युज समेत पाएका छन् ।

पवित्रा रसाइलीका आवाजमा धौलागिरी क्षेत्रमा प्रचलित यानीमाया, ठाडो भाका लगायतका ठेट र मौलिक सृजनाहरु तयारी अवस्थामा रहेका र क्रमश सार्वजनिक गर्दै जाने संगीतकार बिबि अनुरागीले जानकारी दिएका छन् ।

प्रतिकृया दिनुहोस्