फरकपोस्ट संवाददाताअसार १७ काठमाडौं
असार १७ काठमाडौं गायक तथा सारङ्गी बादक हेमन्त कान्छा रसाइली र अमृता नेपालीको स्वरमा मौलिक सालैजो गीत ‘चिमखोले डोको’ सार्वजनिक भएको छ ।
गीतकार राजकुमार बगरको माैलिक शब्द सृजना रहेको गीतको संगीत सृजना गायक हेमन्तकै रहेको छ ।
हेमन्त कान्छाको एरेन्ज श्यामश्वेत रसाइलीको मिक्सिङ्ग रहेको रहेको छ ।
गीतकारले शब्द मार्फत माया प्रेमको विषयलाई उठान गरेका छन् ।
गीतको म्युजिक भिडियोलाई पनि हेमन्त कान्छाले नै निर्देशन गरेका हुन् भने सरिस्मा मगर, विजय पुन, हेमन्त कान्छा रसाइली र अस्मिता रन्पालको अभिनय देख्न सकिन्छ ।
गीतमा प्रयोग भएको शब्द ‘चिमखोले डोको’ म्याग्दीको रघुगंगा चिमखोलाको प्रख्यात डोको हो । त्यहाँको डोको सहरी क्षेत्र हुँदै प्रवाससम्म उपहारको रूपमा समेत लैजाने चलन रहेको छ ।
